بابر اعوان کو سینیٹ کا رکن پھر وزیر قانون بنانے کا امکان

بابراعوان کے سینیٹر منتخب ہونے کے بعد انھیں وفاقی وزیر قانون نامزدکیے جانے کا امکان ہے۔ فوٹو: فائل

---

تحریک انصاف کی جانب سے چوہدری سرور کو گورنر پنجاب نامزد کیے جانے کے بعد بابراعوان کو سینیٹر منتخب کرایا جائے گا۔

ذرائع کے مطابق تحریک انصاف نے چوہدری سرور کو گورنر پنجاب نامزدکردیا ہے جس کے بعدتحریک انصاف کی جانب سے چوہدری سرورکی سینیٹ کی خالی نشست پر بابراعوان پی ٹی آئی کے امیدوارہوں گے۔

بابر اعوان کو سینیٹرمنتخب کرانے کے بعد وفاقی وزیرقانون بنائے جانے کا امکان ہے کیونکہ بابراعوان پیپلزپارٹی کے دور میں وفاقی وزیرقانون کی حیثیت سے خدمات انجام دے چکے ہیں اور اس سے پہلے بھی وہ وفاقی وزیرقانون رہ چکے ہیں۔