امام الحق نے انگلی کی انجری سے نجات پالی آج ایکشن میں ہوں گے

اوپنر نے تکلیف محسوس نہ کی تو نیوزی لینڈ کیخلاف ون ڈے سیریز کیلیے ٹیم میں شامل ہوں گے، ذرائع ۔ فوٹو: فائل

---

نوجوان کرکٹر امام الحق انگلی کی انجری سے نجات پانے میں کامیاب ہوگئے، وہ جمعے کو قائد اعظم ون ڈے کپ کا سیمی فائنل کھیلیں گے۔

اوپنر کے ہاتھ کی انگلی آسٹریلیا سے دوسرے ٹیسٹ میں ٹوٹ گئی تھی، ان کا آپریشن دبئی میں ہوا اور ڈاکٹرز نے انھیں2ہفتے آرام کا مشورہ دیا تھا۔ امام الحق حبیب بینک کی جانب سے پی ٹی وی کیخلاف قذافی اسٹیڈیم میں ایکشن میں ہوں گے۔

ذرائع کے مطابق اوپنر نے تکلیف محسوس نہ کی تو نیوزی لینڈ کیخلاف ون ڈے سیریز کیلیے ٹیم میں شامل ہوں گے۔