نواب شاہ میں ایکسائز پولیس کا چھاپہ ایک ارب کی ہیروئن پکڑ لی

قومی شاہراہ پر ٹرک کی تلاشی کے دوران خفیہ خانوں سے44 کلو ہیروئن بر آمد، ڈرائیور گرفتار۔ فوٹو؛ فائل

---

سکرنڈ کے قریب قومی شاہراہ پر ایکسائز پولیس نے ہیروئن اسمگلنگ کرنے کی کوشش ناکام بنا دی۔

ایکسائز و ٹیکسیشن آفیسر عبدالوحید تھہیم نے گزشتہ رات اپنے دفتر میں پریس کانفرنس کرتے ہوئے کہا کہ گزشتہ شب سکرنڈ کے قریب قومی شاہراہ پر صابوراہو چیک پوسٹ پر ایکسائز پولیس نے پشاور سے کراچی ہیروئن اسمگلنگ کرنے کی کوشش ناکام بنا دی۔ ٹرک سے تلاشی کے دوران خفیہ خانوں میں چھپائی گئی 44 کلوگرام ہیروئن برآمدکرکے ڈرائیورکوگرفتارکرلیا گیا۔

ای ٹی او نے صحافیوں کوبتایا کہ بر آمدہ ہیروئن کی مالیت بین الااقوامی مارکیٹ میں ایک ارب روپے سے زائد ہے۔ ہیروئن کراچی لے جاکر بیرون ملک اسمگل کی جانی تھی۔