میر پورخاص 3بچیاں تالاب میں ڈوب گئیں ایک جاں بحق

والدین نے فوری کارروائی کر تے ہوئے تینوں بچیوں کو تالاب سے نکال لیا تاہم 9سالہ انیلہ جاںبحق ہوگئی. فوٹو: فائل

---

میرپورخاص کے قریب اپنے والدین کے ہمراہ پکنک پر جانیوالی 3بہنیں تالاب میں ڈوب گئیں، 2کو بچا لیا گیا۔

جبکہ ایک جاں بحق ہوگئی۔ پولیس کے مطابق سامارو میں زرعی ترقیا تی بینک کے افسر نوید احمد اپنی اہلیہ اور 3 بچیوںکو پکنک کی غرض سے مقامی گائوں لائے تھے۔



جہاں موری کے پاس تالاب میں نہاتے ہوئے تیز بہائو میں تینوں بچیاں 9 سالہ انیلہ، 10 سالہ مدرا اور 7 سالہ اضفاء ڈوب گئیں ، والدین نے فوری کارروائی کر تے ہوئے تینوں بچیوں کو تالاب سے نکال لیا تاہم 9سالہ انیلہ جاں بحق ہوگئی۔ پولیس کے مطابق متاثرہ خاندان کا تعلق کراچی کے علاقے نارتھ ناظم آباد سے ہے۔