موڈرک نے بیلون ڈی آر ایوارڈ پر رونالڈو اور میسی کی اجارہ داری ختم کر دی

گزشتہ 10 برس کے دوران بیلون ڈی آر ایوارڈ کا منفرد ٹائٹل کرسٹیانورونالڈو اور لیونل میسی کے ہی قبضے میں رہا۔ فوٹو: فائل

---

کروشیا کے مڈفیلڈر لوکا موڈرک نے بیلون ڈی آر ایوارڈ پر کرسٹیانورونالڈو اور لیونل میسی کی اجارہ داری ختم کر دی۔

پیرس میں منعقدہ رنگارنگ تقریب میں بطور بیلون ڈی آر فاتح33 سالہ موڈرک کے نام کا اعلان کیا گیا۔بہترین نوجوان پلیئرکا ایوارڈ فرانس کے کیلیان میباپے کودیاگیا، ویمنزفٹبالرکا اعزاز ناروے کی ایڈا ہیگربرگ کے حصے میں آیا۔

واضح رہے کہ گزشتہ 10 برس کے دوران بیلون ڈی آر ایوارڈ کا منفرد ٹائٹل کرسٹیانورونالڈو اور لیونل میسی کے ہی قبضے میں رہا تاہم اب رئیل میڈرڈ اور کروشین اسٹار نے یہ اعزاز اپنے نام کرلیا ہے۔