پاکستان کا افغان طلبہ کے لیے ایک ہزار اسکالرشپ کا اعلان

یہ اسکالرشپس بیچلرز، ماسٹرز اور پی ایچ ڈی کے طلبہ کو دی جائیں گی، پاکستانی سفیر برائے افغانستان زاہد نصر اللہ۔ فوٹو: سوشل میڈیا

---

افغانستان میں نئی نسل کی تربیت کیلیے پاکستان نے بڑا اقدام اٹھاتے ہوئے افغان طلبہ کیلیے رواں سال ایک ہزار اسکالرشپ رکھ دیں۔

پاکستانی سفیر برائے افغانستان زاہد نصر اللہ نے کہا کہ کابل میں پاکستانی سفارتخانے کی جانب سے افغان طلبہ کے لیے اس سال ایک ہزار اسکالرشپ رکھی گئی ہیں۔ان اسکالرشپس کے تحت افغان طلبہ پاکستان میں آکر اعلیٰ تعلیم حاصل کرسکیں گے،یہ اسکالرشپس بیچلرز، ماسٹرز اور پی ایچ ڈی کے طلبہ کو دی جائیں گی۔

واضح رہے کہ علامہ اقبال اسکالر شپ پروگرام کے تحت 2007 سے اب تک 3800 سے زائد افغان طلبہ کو اسکالر شپس دی گئیں۔