بدین پانی کی قلت کے خلاف آباد گاروں کا دھرنا جاری

مظاہرین نے کہا کہ ہم نے جن نمائندوں کو ووٹ دیکر کامیاب کیا انھوں نے بھی ہمیں بھلا دیا۔ فوٹو: فائل

---

بدین ضلع میں نہری پانی کی قلت اور نصیر کینال پر غیر قانونی واٹر کورس تعمیر کرانے کے خلاف 53 ویں دن بھی جیل بھرو تحریک جاری رکھی اور سیکڑوں آباد گاروں نے ڈسٹرکٹ جیل بدین کے سامنے دھرنا جاری رکھا۔

اس موقع پرکاشتکارفیاض شاہ راشدی، طارق محمد آرائیں، قاضی کرم اللہ نے بتایا کہ جس طرح ہم رمضان کا مہینہ ڈسٹرکٹ جیل کے سامنے روڈ پر بیٹھ کر گزار رہے ہیں۔



اس طرح عید بھی مین روڈ پر اپنے بیوی بچوں کے ساتھ منائیں گے۔ انھوں نے کہا کہ ہم نے جن نمائندوں کو ووٹ دیکر کامیاب کیا انھوں نے بھی ہمیں بھلا دیا۔ انہوں نے کہا کہ اگر مطالبات پورے نہ ہوئے تو اعلیٰ عدلیہ کے سامنے خود سوزی کریں گے۔