ملک بھر میں لاکھوں مسلمان کل اعتکاف میں بیٹھیں گے

مساجد میں معتکفین کے لیے انتظامات کاسلسلہ جاری، سیکیورٹی بڑھادی گئی ، فوٹو: فائل

---

لاہور: وفاقی دارالحکومت اسلام آبادسمیت ملک بھر کی مساجد میں لاکھوں مسلمان منگل کواعتکاف میں بیٹھیں گے۔

اسلام آباد میں سب سے زیادہ لوگ فیصل مسجدمیں اعتکاف میں بیٹھیں گے جب کہ اس کے علاوہ جڑواں شہروں کی تمام مساجد میں بھی ہزاروں شہری یہ دینی فریضہ اداکرینگے۔ اسلام آباد کے علاوہ چاروں صوبائی دارالحکومتوں اور چھوٹے بڑے تمام شہروں میں بھی ہرمسجد میں لاکھوں معتکفین کیلیے انتظامات کیے گئے ہیں۔



لاہور میں بادشاہی مسجداورجامع مسجدالقادسیہ سمیت محکمہ اوقاف کے زیرانتظام مساجد میں ہزاروں افراد اعتکاف کریں گے۔ مساجد میں رش بڑھ جائیگا۔ طاق راتوں میں خصوصی دعوتی و تبلیغی پروگرام بھی ہوں گے۔ رمضان المبارک کا تیسراعشرہ شروع ہوتے ہی مساجدمیں رش پہلے سے بہت بڑھ جائیگا۔تحریک منہاج القرآن کاشہر اعتکاف کل جامع المنہاج ٹائون شپ لاہور میں آباد ہو گا۔