پاپ سنگر نازیہ حسن کی13ویں برسی کل منائی جائے گی

3اپریل 1965ء کوپیدا ہوئیں،’’آپ جیسا کوئی میری زندگی میں آئے‘‘ سے شہرت حاصل کی۔ فوٹو: فائل

---

QUETTA: برصغیر کی معروف پاپ سنگر نازیہ حسن کی تیرہویں برسی کل منگل کومنائی جائے گی پرائیڈ اف پرفارمنس نازیہ حسن 13اگست 2000ء کو اس دنیا سے رخصت ہو گئی تھیں۔

نازیہ حسن 3 اپریل 1965ء کو کراچی میں پیدا ہوئیں انھوں نے اپنا بچپن کراچی اور لندن کے تعلیمی اداروں میں گزارا 1980ء میں نازیہ حسن صرف 15برس کی عمر میںاس وقت شہرت کی بلندیوں پر پہنچ گئیں جب انھوں نے بھارتی فلمساز فیروز خان کی فلم قربانی میں''اپ جیسا کوئی میری زندگی میں آئے تو بات بن جائے''گایا۔



نازیہ حسن نے اپنے بھائی زوہیب حسن کے ساتھ مل کر پاکستانی موسیقی میں ایک نئی جہت روشناس کروائی انھوں نے 80کی دہائی میں موسیقی میں مغربی انداز متعارف کروایا جسے پاکستانی نوجوان نسل کے ساتھ بیرون ملک بھارت،امریکا،عرب امارات، لاطینی امریکا سمیت دنیا بھر میں بھرپور پزیرائی حاصل ہوئی اسی وجہ سے نازیہ حسن کو پاپ موسیقی کے بانیوں میں شمار کیا جاتا ہے۔نازیہ حسن 13 اگست 2000ء کو لندن کے ایک اسپتال میںصرف 35برس کی عمر میں انتقال کر گئی تھیں۔نازیہ حسن کو پرائڈ اف پرفارمنس بیسٹ فی میل پلے بیک ایوارڈ15گولڈ ڈسکس سمیت متعدد ایوارڈز سے نوازا جا چکا ہے ۔