خیبرپختونخوا میں نئے بلدیاتی نظام کا مسودہ تیار ورکنگ گروپ کل منظوری دے گا

سب سے زیادہ ووٹ لینے والا کونسلر چیئرمین اوررنراپ وائس چیئرمین ہوگا جو ضلعی کونسل کے وائس چیئرمین بھی ہوں گے

---

خیبرپختونخوا میں نئے بلدیاتی نظام کاحتمی مسودہ تیار کرلیا گیا ہے جس کی منظوری کل 16 اگست کو بلدیات سے متعلق ورکنگ گروپ کے اجلاس میں دی جائیگی۔

جس کے تحت یونین کونسلوں کو ختم کرتے ہوئے ان کی جگہ دیہات میں ویلیج کونسلیں اور شہروں میں نیبرہڈ کونسلیں قائم کی جائیں گی جن کے ارکان کی تعداد10 ہوگی جن میں 5 جنرل کے علاوہ2 خواتین، ایک اقلیت، ایک نوجوانوں اور ایک مزدورکسانوں کا نمائندہ شامل ہوگا جبکہ ان کونسلوں کے 5 جنرل ارکان میں سب سے زیادہ ووٹ لینے والاکونسلرمذکورہ کونسل کاچیئرمین اور رنر اپ وائس چیئرمین ہوگاجبکہ انہی کونسلوں کے چیئرمین ضلع کونسلوںجبکہ وائس چیئرمین تحصیل یاٹائون کونسلوں کے ممبر ہونگے۔



خیبر پختونخوا میں نئے بلدیاتی نظام کاحتمی مسودہ تیار کرلیا گیا ہے، محکمہ بلدیات کے ذرائع کے مطابق نئے نظام کے حوالے سے جو مسودہ تیار کیا گیا ہے اس کی منظوری 16اگست کو ورکنگ گروپ کے پشاورمیں منعقد ہونیوالے اجلاس میں دی جائیگی ۔ جس کے بعدحکمران جماعتوں کے سربراہوںعمران خان، سید منور حسن ،آفتاب شیرپائو اورشہرام ترکئی کواس بارے میں بریفنگ دی جائے گی اوران کی رائے لینے کے بعدمذکورہ مسودہ کو کابینہ میں پیش کیا جائیگا جس کے بعداسمبلی سے قانون سازی کرائی جائیگی۔

16 اگست کوہونیوالے بلدیات کے ورکنگ گروپ کے اجلاس میںیہ فیصلہ کیاجائیگاٹائونزکوبحال رکھا جائے یاختم کرتے ہوئے تحصیل کونسلیںقائم کی جائیں جبکہ ورکنگ گروپ کے اجلاس میںاس بات کابھی فیصلہ کیا جائیگا کہ ضلع اورتحصیلوں کے چیئرمین اوروائس چیئرمین کاانتخاب براہ راست عوامی ووٹ کے ذریعے کیاجائے یا پھران کو ویلیج اورنیبرہڈ کونسلوں کے ارکان منتخب کریں۔