نا دہندگی پر کنکشن کاٹنے والے حیسکو اہلکاروں کو دیہاتیوں نے یر غمال بنا لیا

---

بجلی کے غیر قانونی کنکشن کاٹنے اور نادہندگان سے وصولی کیلیے جاری آپریشن کے سلسلے میں حیسکو بدین کہ 2لائن مین اشفاق علی میمن اور ابراہیم سومرو6 لاکھ 87 ہزار روپے کی عدم ادئیگی پرگاؤں عبداللہ سومرو کی بجلی کاٹنے کے لیے پہچے تو گاؤں والوں دونوں لائن مینوں کو پکڑ کر یرغمال بنا لیا۔

موقع پاکر لائن مین ابراہیم سومرو فرار ہو کر حیسکو آفس بدین پہنچ گیا اور افسران کو صورتحال سے آگاہ کیا، بعدازاں حیسکو حکام نے بدین پولیس کے ہمراہ گاؤں عبداللہ سومرو پہنچ کر یرغمال لائن مین کو رہا کرایا۔



پولیس نے ابراہیم سومرو کی مدعیت میں 6 افراد عبدالستار سومرو، عبدالخالق سومرو غلام مصطفی سومرو اور 3 نامعلوم افراد کے خلاف مقدمہ درج کر لیا ہے تاحال کوئی گرفتاری عمل میں نہیں آئی ہے۔