مقابلے میں لیاری گینگ وار کے2اہم ملزم گرفتار اسلحہ و مسروقہ گاڑی برآمد

گرفتار ایک ملزم جہاں زیب لاشاری، لیاری گینگ وار کے اہم کردار عالم لاشاری کا بھائی ہے۔ فوٹو: فائل

---

LONDON: حیدرآباد پولیس نے لیاری گینگ وار کے 2 اہم ملزمان کو مبینہ مقابلے کے بعد گرفتار کر کے 2 ٹی ٹی پسٹل اور چھینی گئی موٹر سائیکل برآمد کر لی۔

گرفتار ایک ملزم جہاں زیب لاشاری، لیاری گینگ وار کے اہم کردار عالم لاشاری کا بھائی ہے۔ ایس ایچ او مارکیٹ واحد بخش لغاری کے مطابق پٹھان کالونی میں گشت کے دوران موٹر سائیکل پر سوار 2 افراد کو روکنے کی کوشش کی جس پر ملزمان نے ایس ایچ او کی موبائل پر فائرنگ کردی تاہم تھانیدار سمیت تمام اہلکار محفوظ رہے۔



پولیس نے جوابی فائرنگ کر کے جہاں زیب لاشاری اور فواد بلوچ کو گرفتار کر کے ان کے قبضے سے 2ٹی ٹی پسٹل اور لطیف آباد سے چھینی گئی موٹر سائیکل برآمد کر لی۔ پولیس کی ابتدائی تفتیش کے مطابق گرفتار جہاں زیب لاشاری دراصل ڈیرہ غازی خان کا رہائشی اور لیاری گینگ وار کے اہم کردارعالم لاشاری کا بھائی ہے جبکہ فواد بلوچ بلوچستان حب کا رہائشی ہے۔ دونوں ملزمان پر کراچی میں کئی مقدمات درج ہیں، لیاری گینگ وار کے گرفتار اہم کردار سے مزید اہم انکشافات متوقع ہیں۔