عراق مختلف علاقوں میں بم دھماکے 55 افراد ہلاک درجنوں زخمی

صوبہ انبار کے شہر رمادی میں کار بم دھماکے میں کم از کم 20 افراد ہلاک ہوئے، علاقے میں افراتفری پھیل گئی، لوگ امداد کیلیے چیختے رہے. فوٹو : اے ایف پی

---

عراق میں بم دھماکوں میں 55 افراد ہلاک جبکہ درجنوں زخمی ہوگئے۔

صوبہ انبار کے شہر رمادی میں ہونیوالے کار بم دھماکے میں کم از کم20 افراد ہلاک اورمتعدد زخمی ہوگئے۔ دھماکوں سے علاقے میں افراتفری پھیل گئی اور لوگ تباہ شدہ گاڑیوں کے قریب امداد کیلیے چیختے رہے۔ شمالی قصبہ جوجیل میں شادی کی ایک تقریب کے دوران کار بم دھماکا ہوا جس میں 10افراد ہلاک اور درجنوں زخمی ہوگئے۔



پرتشدد واقعات کے بعد سیکیورٹی فورسز نے علاقوں کو گھیرے میں لیکر امدادی کارروائیاں شروع کردیں۔ شمالی بغداد کے علاقے قاہرہ میں دہشت گردوں نے پارک کے قریب ہجوم کو بم دھماکے کا نشانہ بنایا جس کے نتیجے میں کم از کم 25 افراد ہلاک اور 36 سے زائد زخمی ہوگئے۔