مچھلی کے شکار پر تنازع گولیاں لگنے سے ایک شخص جاں بحق

مقتول کی لاش کو ضروری کارروائی کے بعد ورثا کے حوالے کردی گیا۔

---

غلام اللہ شہر میں مچھلی کے شکار پر تنازع، گولیاں لگنے سے ایک شخض محمد حسن سموں جاں بحق۔ مقتول کے والد کی درخواست پر مقدمہ درج، 2 ملزمان گرفتار۔

تفصیلات کے مطابق غلام اللہ شہر کے قریب گوٹھ یعقوب سموں میں نہر سے مچھلی کا شکار کرنے والے مقامی ماہی گیر محمد حسن سموں کو 2 مسلح ملزمان خمیسو اور عبدالقادر سموں نے گولیاں مار کر ہلاک کردیا۔



مقتول کی لاش کو رورل ہیلتھ سینٹر غلام اللہ لایا گیا جہاں ضروری کارروائی کے بعد ورثا کے حوالے کردی گئی۔ دوسری جانب میرپور ساکرو پولیس نے مقتول کے والد محمد صدیق سموں کی درخواست پر مقدمہ درج کرکے ملزمان خمیسو اور عبدالقادر سموں کو آلہ قتل سمیت گرفتار کرلیا ہے۔