بہتر سلامتی صورتحال سے بیرونی سرمایہ کاری کو فروغ ملا آرمی چیف

آرمی چیف کی امریکی وزیر خارجہ سے ملاقات، علاقائی سیکیورٹی اور افغان عمل پر تبادلہ خیال فوٹو:ٖفائل

---

QUETTA: آرمی چیف جنرل قمر جاوید باجوہ نے کہا ہے کہ بہتر سلامتی صورتحال سے بیرونی سرمایہ کاری کو فروغ ملا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر باجوہ نے امریکی وزارت خارجہ کا دورہ کیا جہاں انہوں نے امریکی وزیرخارجہ مائیک پومپیو سے ملاقات کی جس میں علاقائی سیکیورٹی اور افغان امن عمل پر تبادلہ خیال کیا گیا۔ اس موقع پر آرمی چیف جنرل قمر باجوہ کا کہنا تھا کہ امریکا کے ساتھ باہمی احترام اور اعتماد پر مشتمل تعلقات پاکستان کے لیے اہم ہیں۔

Ways to improve progress of Afg peace process & bilateral relationship as follow up to the summit meeting on 22 Jul 19 also discussed. “Pakistan attaches great importance to restoring a robust bilateral relationship based on mutual respect, trust & shared values”, COAS. (2of2). https://t.co/4LrSNl7v87

— DG ISPR (@OfficialDGISPR) July 24, 2019

آرمی چیف نے امریکی سینیٹر لینڈسے گراہم اور جنرل(ر) جیک کین سے علیحدہ علیحدہ ملاقاتیں کی جس میں علاقائی سیکیورٹی، افغان امن عمل اور پاک امریکا دو طرفہ تعلقات پر بھی بات چیت کی گئی۔

لینڈسے گراہم نے خطے میں سیکیورٹی صورتحال بہتر بنانے کیلئے پاکستان کی کاوشوں کو سراہا۔ آرمی چیف نے امریکی سینیٹر کو پاکستان کی بہتر سیکیورٹی صورتحال سے آگاہ کرتے ہوئے کہا کہ بہتر سیکیورٹی صورتحال سے پاکستان میں بیرونی سرمایہ کاری کو فروغ ملا۔

آئی ایس پی آر کے مطابق آرمی چیف جنرل قمرجاوید باجوہ نے پینٹاگون کادورہ بھی کیا جہاں امریکی چیئرمین جوائنٹ چیف آف جنرل اسٹاف جوزف ڈنفورڈ نے ان کا استقبال کیا جب کہ پینٹاگون آمد پرآرمی چیف کو گارڈ آف آنر پیش کیا گیا اور 21 توپوں کی سلامی بھی دی گئی۔

آرمی چیف نے پینٹاگون کے دورہ کے موقع پر امریکی چیئرمین جوائنٹ چیف آف اسٹاف جوزف ڈنفورڈ اور چیف آف اسٹاف جنرل مارک ملی سے بھی ملاقات کی جس میں دوطرفہ تعاون، علاقائی صورتحال پر گفتگو اور سیکیورٹی سمیت دو طرفہ عسکری تعاون پر تبادلہ خیال کیا گیا۔

COAS interacted with US Military leadership at Pentagon. Regional security situation and bilateral military cooperation discussed. US leadership acknowledged contributions of Pakistan Army in war against terrorism and role towards Afghan peace process. (1 of 2). pic.twitter.com/E0XrHgYhpd

— DG ISPR (@OfficialDGISPR) July 23, 2019

آرمی چیف جنرل قمر باجوہ نے قائم مقام امریکی وزیر دفاع سے بھی ملاقات کی جس میں افغان عمل اورخطے کی سیکیورٹی صورتحال پرگفتگو ہوئی، اس دوران امریکی وزیر دفاع نے کہا کہ امریکی عسکری قیادت افغان امن عمل میں پاکستان کے کردار کی معترف ہے۔

آئی ایس پی آر کے مطابق آرمی چیف نے آرلنگٹن نیشنل قبرستان کا بھی دورہ کیا، جہاں خصوصی تقریب میں دونوں ملکوں کے ترانے بجائے گئے، آرمی چیف نے امریکی قومی ہیروز کوخراج عقیدت پیش کیا۔

COAS at Washington. COAS also visited Arlington National cemetery to pay homage to US national heroes. (2of2). pic.twitter.com/RwKMF5hKhj

— DG ISPR (@OfficialDGISPR) July 23, 2019