کسی بھی طرح کا پروپیگنڈہ عوام کو الطاف حسین سے دورنہیں کرسکتابیوہ ڈاکٹرعمران فاروق

لندن:ڈاکٹر عمران فاروق کی تیسری برسی پر ان کی اہلیہ شمائلہ فاروق بیٹوں کے ساتھ دعا مانگ رہی ہیں ۔ فوٹو : فائل

---

ایم کیوایم کے شہید کنوینر اورشہیدانقلاب ڈاکٹرعمران فاروق کی بیوہ شمائلہ عمران نے کہاہے کہ الطاف حسین کروڑوں عوام کے قائدہیں او ر کسی بھی طرح کا پروپیگنڈہ عوام کوان سے دورنہیں کرسکتا۔

انھوں نے یہ بات لندن میں ایم کیوایم یوکے کے زیراہتمام ڈاکٹرعمران فاروق شہیدکی تیسری برسی کے موقع پر گفتگوکرتے ہوئے کہی۔اس موقع پر ان کے دونوں بیٹے عالیشان اوروجدان بھی ان کے ہمراہ تھے ۔ شمائلہ عمران نے انٹرنیشنل میڈیامیں جناب الطا ف حسین کے بارے میں شائع ہونے والی منفی رپورٹس کے بارے میں کہاکہ الطاف بھائی کے خلاف جتنے پروپیگنڈے کیے جارہے ہیں ان کی مقبولیت میں اتنا ہی اضافہ ہورہاہے۔ سازشیں کرنے والے الطاف بھائی کے خلاف کیسی ہی سازشیں کیوں نہ کرلیں وہ اپنی سازشوں میں کامیاب نہیں ہوسکتے۔

شمائلہ عمران نے کہا کہ ایم کیوایم مظلومو ںکی تحریک ہے جس کی جدوجہدمیں الطاف بھائی کے بھائی ، بھتیجے اورمیرے شوہرسمیت ہزاروں شہیدوں کا لہو شامل ہے ،انشاء اللہ حق پرستی کی یہ تحریک ضرورکامیاب ہوگی اورہم سب اس جدوجہدمیں الطاف بھائی کے ساتھ ہیں۔ اس موقع پر شمائلہ عمران اورانکے بیٹوں نے ''نعرہ ء الطاف ...جیے الطاف '' کانعرہ بھی لگایا۔