رواں سال حج کی ادائیگی کیلئے جانے والے فنکار

ہر سال لاکھوں مسلمان فریضہ حج کی ادائیگی کے لیے مسلمانوں کے مقدس مقام خانہ کعبہ کا رخ کرتے ہیں فوٹوفائل

---

ہر سال لاکھوں مسلمان فریضہ حج کی ادائیگی کے لیے مسلمانوں کے مقدس مقام خانہ کعبہ کا رخ کرتے ہیں اور مکہ مکرمہ اورمدینہ منورہ میں دین اسلام کے پانچویں رکن کی ادائیگی نہایت خشوع و خضوع کے ساتھ ادا کرتے ہیں۔ رواں سال لاکھوں مسلمانوں کے ہمراہ پاکستان شوبز انڈسٹری سے وابستہ فنکاروں نے بھی فریضہ حج کی ادائیگی کے لیے بیت اللہ کا رخ کیاہے۔

عاطف اسلم



اپنی خوبصورت آواز سے پاکستان کا نام دنیا بھر میں روشن کرنے والے نامور گلوکار عاطف اسلم نے رواں سال حج کی ادائیگی کے لیے مکہ مکرمہ کا رخ کیا ہے۔ انہوں نے ٹوئٹر پر یہ خوشخبری اپنے تمام چاہنے والوں کے ساتھ شیئر کرتے ہوئے کہا مجھے آپ سب کو بتاتے ہوئے خوشی محسوس ہورہی ہے کہ میں بہت جلد اپنی زندگی کے اہم ترین سفر پر جانے والا ہوں۔ حج پر جانے سے قبل میں اپنے گھروالوں، مداحوں اور دوستوں سمیت ان تمام لوگوں سے معافی مانگنا چاہتاہوں جن کا کبھی میں نے دل دکھایاہے، آپ سب مجھے اپنی دعاؤں میں یاد رکھیے گا۔ اس کے ساتھ ہی عاطف اسلم نے کشمیر میں ہونےو الے ظلم کی مذمت کرتے ہوئے کہا کہ خدا معصوم کشمیریوں اور تمام لوگوں کو اپنی حفظ و امان میں رکھے۔

Happy to share something very big with all of you. Inshallah I’ll be leaving soon for the most important (cont) https://t.co/7lBJRH1K7y

— Atif Aslam (@itsaadee) August 6, 2019

فیروز خان



رواں سال حج کی ادائیگی کے لیے جانے والوں میں اداکار فیروز خان بھی شامل ہیں۔ انہوں نے حج پر جانے کی خوشخبری سوشل میڈیا پر شیئر کرتے ہوئے کہاکہ مجھے اس سال حج کی ادائیگی کا بلاوا آیا ہے۔ میں حج پر جانے سے قبل ان تمام لوگوں سے معافی کا طلبگار ہوں جن کا میں نے کبھی دل دکھایا ہے۔

[instagram-post url="https://www.instagram.com/p/B0xZbOyhk7V/"]

[instagram-post url="https://www.instagram.com/p/B0x--iuAQ9S/"]

حمزہ علی عباسی



اداکارومیزبان حمزہ علی عباسی بھی رواں سال فریضہ حج اداکریں گے۔ انہوں نے ٹوئٹر پر مداحوں سے یہ خبر شیئر کرتے ہوئے لکھا میں 16 تاریخ تک حج کی ادائیگی کے باعث سوشل میڈیا استعمال نہیں کروں گا۔ حمزہ علی عباسی نے مقبوضہ کشمیر میں ہونے والے ظلم و بربریت کے حوالے سے کہا کہ میں کشمیر، پاکستان اور امن کے لیے دعا کروں گا۔

Allah has accepted my extremely flawed but consistent efforts to walk his path & has blessed me with HAJJ. I shall be off social media till 16th. Will pray for Kashmir, Pakistan & for peace but if violence is forced on us then i.ll pray tht may Allah be pleased with us.

— Hamza Ali Abbasi (@iamhamzaabbasi) August 6, 2019

روبینہ اشرف



پاکستان ٹی وی کی باصلاحیت اداکارہ روبینہ اشرف بھی حج کی ادائیگی کے لیے مکہ مکرمہ میں موجود ہیں۔ ان کی ایک ویڈیو سوشل میڈیا پر وائرل ہورہی ہے جس میں وہ خانہ کعبہ میں دیگر زائرین کے ہمراہ نظر آرہی ہیں۔

[instagram-post url="https://www.instagram.com/p/B005CsCBKJD/"]

عائزہ خان اور دانش تیمور



گزشتہ ماہ اداکار دانش تیمور نے اعلان کرتے ہوئے کہا تھا کہ وہ رواں سال اپنی اہلیہ عائزہ خان کے ساتھ حج کی ادائیگی کے لیے جائیں گے۔ دانش تیمور کا مزید کہنا تھا کہ بطور مسلمان یہ ہماری سب سے بڑی خواہش تھی جو بہت جلد پوری ہونے والی ہے خدا ہماری عبادت کو قبول کرے۔