پولیو مہم میں غفلت برتنے والوں کیخلاف کارروائی کا فیصلہ

والدین کر راضی کرکے بچوں کو پولیو سے بچاؤ کے قطرے پلائے جائیں،وحید شیخ فوٹو: فائل

---

ڈویژنل کمشنر میرپورخاص عبدالوحید شیخ نے کہا ہے کہ انسداد پولیو مہم کے دوران غفلت برتنے والوں کے خلاف کارروائی کی جائے گی۔

عبدالوحید شیخ نے ایک اجلاس کی صدارت کرتے ہوئے کہا کہ پولیو مہم کے بہتر نتائج حاصل کرنے کیلیے خصوصی ٹریننگ کرائی جائے، انکاری والدین کو مطمئن کرکے بچوں کو پولیو سے بچاؤ کے قطرے پلائے جائیں۔ غیر موجود بچوں کو آئندہ مہم میں قطرے پلائے جائیں۔ آئندہ مہم میں ورکروں کی پرفارمنس چیک کی جائے گی جب کہ خراب کارکردگی پر ویکسینیٹروں کے خلاف کارروائی کرنے سمیت ان کے الاؤنس بند کیے جائیں گے۔

انھوں نے کہا کہ اوطاقوں میں قطرے پلانے کے سسٹم کو بند کیا جائے بلکہ گھر گھر جاکر بچوں کو قطرے پلائے جائیں،بہتر نتائج حاصل کرنے کے لیے سوشل موبلائزیشن کواپنا یا جائے، روٹین امیونائزیشن کی غلطیوں پر غور کرکے انھیں درست کیا جائے اوردوردراز علاقوں تک ر سائی کیلیے مکمل پلان بنایا جائے ویکسینیٹروں کو پہنچانے کے ہرممکن اقدامات کیے جائیں۔