فیکٹری میں ڈکیتی ملزمان لاکھوں کی نقدی3موٹر سائیکلیں لے گئے

6 مسلح افراد مقامی صنعتکار عبدالستار انصاری کی پاور لومز فیکٹری میں داخل ہوئے۔ فوٹو: فائل

---

ٹنڈو آدم میں پاور لومز میں ڈاکوؤں کی لوٹ مار،3 موٹر سائیکلیں اور 6 لاکھ روپے نقد لوٹ کر فرار ہو گئے۔

جولاہا محلہ میں 6 مسلح افراد مقامی صنعتکار عبدالستار انصاری کی پاور لومز فیکٹری میں داخل ہوئے اور فیکٹری میں موجود تمام افراد کو یرغمال بنا کر تشدد کرنے کے بعد انہیں گودام میں بند کر دیا اور3 موٹر سائیکلیں اور6 لاکھ روپے نقد لوٹ کر فرار ہو گئے۔



واقعہ کے خلاف پاور لومز فیکٹری مالکان نے ٹنڈوآدم سٹی تھانہ کے سامنے احتجاج کیااور ملزمان کی فوری گرفتاری کا مطالبہ کیا۔ دوسری طرف واقعہ کی اطلاع ملتے ہی جماعت اسلامی کے مرکزی رہنما عبدالعزیز غوری اور دیگر جائے وقوع پر پہنچ گئے اور لوٹ مار کی بڑھتی ہوئی وارداتوں پر تشویش کا اظہار کیا۔