ترک صدر رجب طیب اردوان آئندہ ماہ پاکستان کا دورہ کرینگے

ترک صدر کے ہمراہ وفد میں سرمایہ کار، کاروباری شخصیات بھی پاکستان آئیں گی،ذرائع۔ فوٹو؛فائل

---

ترک صدر رجب طیب اردوان آئندہ ماہ اہم دورے پر پاکستان پہنچیں گے۔

رجب طیب اردوان اسلام آباد میں پاک ترک اعلی سطح کی تزویراتی تعاون کونسل کے اجلاس میں بھی شرکت کریں گے، ذرائع کے مطابق اجلاس کی صدارت ترک صدر طیب اردوان اور عمران خان کی جانب سے مشترکہ طور پر کیے جانے کا امکان ہے،دورے کے دوران باہمی تعلقات کے فروغ کے لیے تعاون کے مزید شعبوں کی تلاش بھی کی جائے گی۔

ذرائع کے مطابق ترک صدر کے ہمراہ وفد میں سرمایہ کار، کاروباری شخصیات بھی پاکستان آئیں گی، ترک صدر سرمایہ کاری سمیت کئی منصوبوں کی یادداشت پر دستخط کریں گے۔