وفاقی کابینہ کے آج ( منگل کو) ہونے والے اجلاس میں پاکستان اور سعودی عرب کی کاروباری شراکت کو مزید 50 سال تک توسیع دیے جانے کا امکان ہے۔

فنانس ڈویژن نے کابینہ سے سعودی پاک انڈسٹریل اینڈ ایگریکلچر انویسٹمنٹ کمپنی کو مزید 50 سال تک برقرار رکھنے کی درخواست کی ہے۔

یہ کمپنی 2 سمبر 1980 کو دونوں ممالک کے درمیان 4 جون 1980 کو ہونے والے معاہدے کے تحت پاکستان میں صنعتی اور زراعت پر مبنی شعبوں میں سرمایہ کاری کے لیے تشکیل دی گئی تھی۔ یہ مشترکہ سرمایہ کار کمپنی ہے جس میں دونوں ممالک برابر کے شراکت دار ہیں۔