شاہ رخ خان کو دلکش ترین شخصیت قرار دیدیا گیا

سروے فہرست میں شوبز اور اسپورٹس سے تعلق رکھنے والی پچیس شخصیات کو شامل کیاگیا تھا۔۔فوٹو: فائل

---

بالی ووڈ کنگ شاہ رخ خان نے دلکش ترین شخصیات کی فہرست میں سلمان خان اور بیگ بی کو بھی پیچھے چھوڑدیا۔

بھارتی تحقیقاتی ادارے ٹرسٹ ریسرچ ایڈوائزری کے سروے کے مطابق شاہ رخ خان بھارت کی دلکشن ترین شخصیت قرار پائے ہیں۔رپورٹ کے مطابق شاہ رخ خان کے بعد امیتابھ بچن دوسرے اور مہندرا سنگھ دھونی تیسرے جب کہ عامر خان چوتھے دلکش ترین شخصیت قرار دیے گئے ہیں۔



تحقیقاتی ادارے کے چیف ایگزیکٹو این جندر امولی کا کہنا ہے کہ دلکشن ترین شخصیات کے حوالے سے جو سوالنامہ تیار کیا گیا اس میں مذکورہ شخصیت کی طرف سے جسمانی خوبصورتی نہیں بلکہ اس کے منطقی جذباتی خواہشاتی اور کمیونیکیشن انداز کے بارے میں بھی پوچھا گیا تھا سروے فہرست میں شوبز او رسپورٹس سے تعلق رکھنے والی پچیس شخصیات کو شامل کیاگیا تھا۔