پنجاب کابینہ میں اکھاڑ پچھاڑ کا فیصلہ

پنجاب کابینہ میں اکھاڑ پچھاڑ کی مسلسل اطلاعات نے وزرا کو عدم تحفظ کا شکار کر دیا ہے۔ فوٹو؛ فائل

---

پنجاب کابینہ میں تبدیلیوں کی اطلاعات زور پکڑنے لگیں۔

پنجاب کابینہ میں اکھاڑ پچھاڑ کی مسلسل اطلاعات نے وزرا کو عدم تحفظ کا شکار کر دیا ہے اور ان کے ماتحت محکموں کی بیوروکریسی بھی بے یقینی کا شکار ہو کر وزرا کے ساتھ بھرپور تعاون اور ان کی جانب سے بھیجی گئی سمریوں پر پیش رفت سے گریز کر رہی ہے۔

پنجاب میں تاریخ ساز انتظامی تبدیلیوں کا سونامی آنے کے بعد ایک مرتبہ پھر صوبائی کابینہ میں تبدیلیوں کی اطلاعات زور پکڑ نے لگی ہیں اور 15 سے زائد وزرا کے بارے یہ کہا جارہا ہے کہ آئندہ چند ہفتوں میں ان کی وزارتیں تبدیل ہو سکتی ہیں اوران میں سے 4 وزرا کو''ریڈ زون'' میں قرار دیا جارہا ہے۔