امریکی شہری 82 سالہ جو لارنس نے ایک لاکھ 40 ہزار امریکی ڈالر کے عوض چترال کے علاقے توشی میں مارخور کا کامیاب شکار کیا۔

مارخور کے سینگ کی لمبائی تقریباً 50 انچ بتائی جاتی ہے، ڈویژنل فارسٹ آفیسر جنگلی حیات محمد ادریس کے مطابق مارخور کے شکار کے لیے باقاعدہ بولی لگائی جاتی ہے اور کامیاب بولی دہندہ کو شکار کا لائسنس مل جاتا ہے۔ ان کے مطابق اس رقم میں سے اسی فیصد مقامی لوگوں کو جب کہ 20 فی صد سرکاری خزانے میں جمع ہوتی ہے۔