سیہون تیز رفتار ٹرک نے اونٹ گاڑی کو ٹکر مار دی2مزدور جاں بحق

3 افراد زخمی،حادثہ بھان سعید آباد لنک روڈ پر پیش آیا، ہلاک شدگان مزدوری کی تلاش میں جارہے تھے، ڈرائیور گرفتار. فوٹو: فائل

---

بھان سعید آباد کے قریب تیز رفتار ٹرک نے اونٹ گاڑی کو ٹکر ماردی۔ 2 مزدور جاں بحق جبکہ 3افراد زخمی ہو گئے۔

تفصیلات کے مطابق بھان سعید آباد کے قریب مناہیون لنک روڈ پر تیز رفتار ٹرک اونٹ گاڑی پر چڑھ گیا جس کے نتیجے میں گاؤں کوٹ لاشاری کے رہائشی اختیار لاشاری اور منٹھار لاشاری موقع پر ہی جاں بحق ۔



جبکہ اللہ داد لاشاری اور رضا محمد لاشاری سمیت 3 افراد زخمی ہو گئے۔ بتایا جاتا ہے کہ ہلاک شدگان مزدور تھے جو کام کی تلاش میں جارہے تھے کہ حادثہ پیش آگیا۔ خدا آباد پولیس نے ٹرک ڈرائیور کو تحویل میں لے کر لاشیں دادو سول اسپتال منتقل کردیں۔