ٹھٹھہ تیز رفتار منی ٹرک الٹ گیا 8 افراد زخمی سیکڑوں مرغیاں ہلاک

4 زخمیوں کو تشویشناک حالت میں ایمبولینس کے ذریعے کراچی پہنچایا گیا۔ فوٹو: فائل

---

گجو کے قریب مرغیوں سے بھرا منی ٹرک تیز رفتاری کے سبب الٹ گیا،8 افراد شدید زخمی، سیکڑوں مرغیاں ہلاک ہو گئیں۔

تفصیلات کے مطابق ٹھٹھہ سے مرغیاں لے کر کراچی جانے والا تیز رفتار منی ٹرک گجو کے قریب الٹ گیا جس کے نتیجے میں 8 افراد مجاہد، اجمل، شاہد، احمداور دیگر شدید زخمی ہوگئے جنھیں فوری طور پر سول اسپتال پہنچایا گیا، 4 زخمیوں کو تشویشناک حالت میں ایمبولینس کے ذریعے کراچی پہنچایا گیا۔



حادثے میں سیکڑوں مرغیاں بھی ہلاک ہوگئیں۔واضح رہے کہ مرغیاں لے جانے والی گاڑیوں کی تیز رفتاری کی وجہ سے قومی شاہراہوں پر حادثات معمول بن گئے ہیں جس سے کئی قیمتی جانیں بھی ضائع ہوچکی ہیں۔