مایا خان نے اپنے شو میں مسائل کو خوبصورتی سے پیش کیا مدیحہ شاہ

صاحبہ اور ریمبو کی نوک جھوک سے اس پروگرام کی دلچسپی میں زبردست اضافہ ہوگیا۔ فوٹو: فائل

---

ایکسپریس انٹرٹینمنٹ اور نیوز سے پیش کیا جانے والا مقبول عام پروگرام مایا خان شو ان دنوں لاہور سے پیش کیا جارہا ہے۔

مایا خان کا لاہور میں شاندار خیر مقدم کیا گیا، انھیں گزشتہ دنوں فلم اور ٹیلی ویژن کے معروف اداکار جان ریمبواور صاحبہ نے ناشتے پر مدعو کیا اس موقع پر دلچسپ گفتگو ہوئی،جان ریمبو نے اس موقع پر کہا کہ شادی کو اتنا عرصہ گزر جانے کے بعد بھی صا حبہ ریمبو کا کھانے سے دل نہیں جیت پا ئی ،آج بھی کھانے میں کو ئی نہ کو ئی نقص نکال ہی لیتا ہوں۔مایاخان شو میں ریمبو کا کہنا تھا کہ شادی کے بعد اب تک یہ ہی عادت ہے جو صا حبہ نہیں بدل پائی۔



صاحبہ اور ریمبو کی نوک جھوک سے اس پروگرام کی دلچسپی میں زبردست اضافہ ہوگیا،اس منفرد ناشتے میںمدیحہ شاہ ،ببرک شاہ،حمیرا چنا ،سمعیہ اور نشو نے بھی شرکت کی اور مایا خان کی لاہورآمدپر خوشی کا اظہار کیا،مدیحہ شاہ کاکہنا تھا کہ لوگ دیگر چینلز پر ہر دوسرے دن شادی بیاہ دیکھ دیکھ کر تنگ آگئے ہیں ایسے میں مایاخان شو کی ٹیم مختلف کام کر رہی ہے جس کی جتنی بھی تعریف کی جا ئے کم ہے، معروف اسٹالو سمعیہ کا کہنا تھا کہ مایا خان کو ہر سال سردیوں میں لاہو ر آکر ہی پروگرام کر نے چائیں،گلوکارہ حمیرا چناء نے شو میں اپنی آواز کا جادو بھی جگایا، ریمبو اور صاحبہ نے مایاخان کو اپنا گھر بھی دیکھایا۔