ٹنڈو محمد خان ڈاکوؤں نے تاجروں سے 9لاکھ چھین لیے

بیوپاری مویشی خریدنے جا رہے تھے، 4 موٹرسائیکل سواروں نے ٹیکسی روک کر لوٹ لیا

Nama Nigar November 28, 2013

مقامی پولیس نے نامعلوم ملزمان کیخلاف مقدمہ درج کرکے شبہے میں ٹیکسی ڈرائیور جان محمد ملاح کو حراست میں لے لیا ہے۔

لاکھاٹ روڈ پر سٹھیو بس اسٹاپ کے قریب 4 نا معلوم مسلح افراد نے مویشیوں کے بیوپاریوں سے 9 لاکھ روپے لوٹ لیے۔

تفصیلات کے مطابق مویشیوں کے مقامی تاجر علی اکبر، بشیر، امین ہالیپوٹو اور بچو لغاری مویشیوں کی خریداری کے لیے کرائے کی ٹیکسی میں ٹنڈو محمد خان آرہے تھے کہ لاکھاٹ روڈ پر سٹھیو بس اسٹاب کے قریب تعاقب سے آنیوالے 2 موٹرسائیکلوں پر سوار 4 مسلح افراد نے ٹیکسی روک کر تاجروں سے9 لاکھ روپے چھین لیے۔

واردات کے بعد ملزمان اسلحہ لہراتے ہوئے فرار ہوگئے۔ مقامی پولیس نے نامعلوم ملزمان کیخلاف مقدمہ درج کرکے شبہے میں ٹیکسی ڈرائیور جان محمد ملاح کو حراست میں لے لیا ہے۔