پابندی کے باجود لوگوں کو اکٹھا کرنے پر ڈی سی باجوڑ کا تبادلہ منسوخ

ڈی سی باجوڑ کا تبادلہ منسوخ کرکے وضاحت طلب کرلی گئی ہے، وزیر صحت خیبر پختونخوا. فوٹو : ایکسپریس

---

KARACHI: الوداعی تقریب میں پابندی کے باجود لوگوں کو اکٹھا کرنے پر ڈی سی باجوڑ کا تبادلہ منسوخ کردیا گیا۔

خیبر پختونخوا حکومت نے کورنا وائرس کے پھیلاؤ کے خدشے کے پیش نظر، حفاظتی اقدامات نہ کرنے اور حکومتی احکامات ہوا میں اڑانے والے ڈپٹی کمشنر کے خلاف ایکشن لے لیا، ڈپٹی کمشنر باجوڑ عثمان محسود کا باجوڑ سے تبادلہ کیا گیا تاہم الوداعی تقریب میں بڑی تعداد میں سرکاری بلڈنگ میں مہمانوں کی تعداد جمع ہوئی جہاں نہ سماجی رابطے کا خیال رکھا گیا اور نہ ہی حفاظتی انتظامات دیکھنے میں آئے۔

1. This gentleman's posting to the health dept. has been cancelled, and the CS has asked him for an explanation.
Mistakes will happen; we will correct them swiftly. Let none of that take away from the exceptional work & efforts that many civil servants across KP are making. https://t.co/S15rkEZHzk

— Taimur Saleem Khan Jhagra (@Jhagra) April 21, 2020

سوشل میڈیا پر ڈسی باجوڑ کی الواداعی تقریب کی تصاویر وائرل ہونے پر وزیر صحت خیبر پختونخوا تیمور جھگڑا نے ٹوئٹ میں کہا کہ چیف سیکریٹری نے ان کا محکمہ صحت میں ہونے والا تبادلہ منسوخ کر دیا ہے اور وضاحت طلب کرلی ہے جب کہ موجودہ حالات میں غلطی برتنے والوں کے خلاف سخت کارروائی کی جائے گی۔