رپورٹ کیوں شیئرکی وسیم خان نے فون پرحفیظ کی کلاس لے لی

نیگیٹو رپورٹ آنے کے باوجود سابق کپتان نے پی سی بی کی ہدایات کے تحت خود کو الگ ایک کمرے تک محدود کررکھا ہے، ذرائع ۔ فوٹو:فائل

---

پی سی بی حکام محمد حفیظ کے رویے سے ناراض ہوگئے، چیف ایگزیکٹیو وسیم خان نے کورونا رپورٹ سوشل میڈیا پر شیئر کرنے پر فون کرکے کلاس لے لی۔

ذرائع کے مطابق وسیم خان نے کہاکہ ٹویٹ سے پاکستانی ٹیسٹنگ نظام کی جگ ہنسائی ہوئی، رپورٹ پبلک کرنے سے پہلے آپ کو پی سی بی سے بات کرنی چاہیے تھی، اس قدم سے مایوسی ہوئی ہے، اس معاملے کا تفصیلی جائزہ لیں گے۔

جواب میں حفیظ نے موقف اختیار کیا کہ وہ پازٹیو رپورٹ آنے پر بہت تناؤ میں تھے، ایک آفیشل سے رابطہ کیا لیکن کوئی فوری ردعمل سامنے نہیں آیا جس پر ایسا کیا۔

ذرائع کے مطابق نیگیٹو رپورٹ آنے کے باوجود سابق کپتان نے پی سی بی کی ہدایات کے تحت خود کو الگ ایک کمرے تک محدود کررکھا ہے۔