کورونا کے باعث جی ٹین فور سیل ہونے سے ہائی کورٹ کے جج بھی متاثر

جسٹس فیاض جی ٹین کو سیل کی گئی مدت کے دوران گھر پر ہی رہیں گے فوٹوایکسپریس

---

اسلام آباد میں کورونا کے باعث جی ٹین فور سیل ہونے سے ہائی کورٹ کے جج بھی متاثر ہوئے ہیں۔

اسلام آباد ہائی کورٹ کے جسٹس فیاض احمد جندران کا گھر سیل کئے جانے والے علاقے میں ہی موجود ہے مکمل طور پر تندرست ہونے کے باوجود جسٹس فیاض احمد جندران نے انتظامیہ کے مجوزہ ضابطہ اخلاق کی مکمل پابندی کا فیصلہ کیا ہے۔

عدالتی ذرائع کے مطابق جسٹس فیاض جی ٹین کو سیل کی گئی مدت کے دوران گھر پر ہی رہیں گے اور تندرست ہونے کے باوجود وہ مجوزہ ضابطہ اخلاق کی پابندی یقینی بنائیں گے۔

اسلام آباد ہائی کورٹ کے آئندہ ہفتے کے روسٹر میں بھی جسٹس فیاض احمد جندران کا نام شامل نہیں ہے۔