لوگوں نے کہا شاعری کرو اداکاری بھول جاؤ امیتابھ بچن

میں نے ہمیشہ تنقید کو اپنے لیے تحریک کے طور پر لیا اور لوگوں کو غلط ثابت کر کے دکھایا، امیتابھ بچن فوٹو: فائل

---

اداکار اور سپر اسٹار امیتابھ بچن جب فلموں میں اپنی جگہ بنانے کے لیے جدوجہد کر رہے تھے تو بعض لوگوں نے ان سے کہا تھا کہ 'تمہارے والد شاعر ہیں، جاؤ انھی کی طرح شاعری کرو۔

اداکار امیتابھ بچن نے کہا ہے کہ فلمی کیرئیر کے آغاز کے وقت میں جس کسی کے پاس بھی فلم میں کام مانگنے جاتا تھا تو وہ کہتے تھے کہ تم بہت دبلے پتلے اور لمبے ہو اس لیے فلموں کے لیے مناسب نہیں ہو کچھ اور کیوں نہیں کرتے۔ اداکار بننا بھول جاؤ۔ یہ بات انھوں نے ممبئی میں منعقدہ ایک پروگرام کے دوران بتائی۔ امیتابھ بچن کا کہنا تھا کہ میں نے اس تنقید کو اپنے لیے تحریک کے طور پر لیا اور لوگوں کو غلط ثابت کر کے دکھایا۔