ایکشن فلم ’’اینڈروئیڈ کوپ‘‘ کا پہلا ٹریلر جاری 4 فروری کو ریلیز ہوگی

فلم میں مرکزی کردار مائیکل جے وائٹ نبھا رہے ہیں،فلم 4 فروری کو ریلیز ہو گی۔ فوٹو: فائل

---

انسانی شکل کے طاقتور اور جدید روبوٹ پولیس اہلکاروں پر مبنی نئی سائنس فکشن فلم ''اینڈروئیڈ کوپ'' کا پہلا آفیشل ٹریلر جاری کر دیا گیا ہے۔

اس سنسنی خیز فلم کی کہانی امریکی شہر لاس اینجلس میں مستقبل میں پیش آنیوالے ایسے بدترین دور کی منظرکشی کر رہی ہے جب شہری تیزی سے پھیلنے والے ایک ناقابل علاج وائرس کا شکار ہو جاتے ہیں، سال 2045ء میں جب اس مشکل سے نکلنا کسی انسان کے بس میں نہیں رہتا تو انسانی شکل کے جدید روبوٹ پولیس اہلکار امید کی آخری کرن بن کر میدان میں اترتے ہیں، فلم میں مرکزی کردار مائیکل جے وائٹ نبھا رہے ہیں اور یہ فلم چار فروری کو ریلیز ہو گی۔