شاہ رخ سے ملنا ہمیشہ سے میرا خواب تھا سنی لیون

شاہ رخ ملنے کا ہمیشہ سے شوق تھا وہ ایک بہترین اداکار ہونے کے ساتھ ساتھ اچھے انسان بھی ہیں۔ فوٹو: فائل

---

بالی ووڈ اداکارہ سنی لیون نے کہا ہے کہ شاہ رخ خان سے ملنا ہمیشہ سے ان کا خواب تھا، ممبئی میں فلم ''جیک پاٹ'' کی پروموشن تقریب کے دوران کنگ خان سے ملاقات پر بہت خوش ہوں۔

سنی لیون نے صحافیوں سے گفتگو کرتے ہوئے کہا کہ شاہ رخ سے ملنا ان کا خواب تھا جو اب پورا ہوا ہے، شاہ رخ خان کو اسکرین پر دیکھ کر مجھے ہمیشہ بیتابی ہوتی تھی اور میں چاہتی تھی کہ اڑ کر ان کے پاس پہنچ جاؤں، انھوں نے کہا کہ شاہ رخ ایک بہترین اداکار ہونے کے ساتھ ساتھ بہت اچھے انسان بھی ہیں۔