وزیراعظم کے معاون خصوصی شہزاد سید قاسم نے استعفیٰ دے دیا ہے۔

وزیراعظم نے معاون خصوصی شہزاد سید قاسم کا استعفیٰ منظور کرلیا ،کابینہ ڈویژن نے منظوری کا نوٹیفکیشن بھی جاری کردیا ہے، شہزاد سید قاسم معاون خصوصی برائے نیچرل ریسورسز ڈیولپمنٹ تھے۔

شہزاد سید قاسم کو معاون خصوصی برائے توانائی بھی بنایا گیا تھا تاہم گزشتہ ماہ ان کے توانائی کا قلمدان واپس لے لیا گیا تھا، شہزاد سید قاسم نے استعفیٰ دینے کی وجہ ذاتی بتائی ہے۔