ملک میں زیادہ تر ٹیسٹ سینٹرز کی پچز بنانے والے حاجی بشیر چل بسے

حاجی بشیر احمد 40 سال سے زائد عرصے تک بورڈ کے ساتھ وابستہ رہے۔ فوٹو: فائل

---

پی سی بی کے سابق ہیڈ گراؤنڈ مین حاجی بشیر احمد حرکت قلب بند ہونے سے انتقال کرگئے۔

حاجی بشیر احمد 40 سال سے زائد عرصے تک بورڈ کے ساتھ وابستہ رہے، قذافی اسٹیڈیم سمیت ملک میں زیادہ تر ٹیسٹ سینٹرز کی پچز انھوں نے بنائیں، ریٹائرمنٹ کے بعد وہ ان دنوں مختلف نجی گراؤنڈز کی پچز تیار کررہے تھے، وہ لاہور قلندرز کے ہائی پرفارمنس سینٹر کے ساتھ بھی وابستہ تھے۔

ماجد خان، حنیف محمد، عمران خان، جاوید میانداد، انضمام الحق، ویوین رچرڈز سمیت دنیا کے ٹاپ اسٹارز حاجی بشیر کی بنائی پچز پر کرکٹ کھیل چکے۔