شریف برادران کے لئے منی لانڈرنگ کرنے والے نئے کردار سامنے آگئے

نیب کی تحقیقاتی ٹیم نے تمام ثبوت اپنی تحقیقاتی رپورٹ میں شامل کر لیے ہیں۔ فوٹو:فائل

---

شریف برادران کے لئے منی لانڈرنگ کرنے والے نئے کردار سامنے آئے ہیں جن میں نئے کرنسی نوٹ اور موبائل فونز بیچنے والے بھی شامل ہیں۔

شریف برادران کے لیے منی لانڈرنگ کرنے والے بے نامی افراد میں بجری فروش اور گوالے کے بعد ڈرائیور، نئے نوٹ اور موبائل فون بیچنے والوں کے ناموں کا بھی انکشاف ہوا ہے۔ نیب کی تحقیقاتی ٹیم نے تمام ثبوت اپنی تحقیقاتی رپورٹ میں شامل کر لیے ہیں۔



ذرائع کے مطابق ان افراد کے ذریعے دس لاکھ 43 ہزار ڈالرز کی رقم منتقل کی گئی۔ شریف فیملی کے اکاؤنٹس میں منتقل رقم کےلیے نئے اور پرانے نوٹ بیچنے والے محبوب علی کے نام پر 1 لاکھ 34 ہزار ڈالر کی ٹی ٹی لگوائی گئی۔



دبئی میں مقیم رمیض شاہد کے نام پر 5 لاکھ 17 ہزار ڈالر، ڈرائیور عابد شاہ کے نام پر 86 ہزار ڈالرز، کراچی میں کپڑے کی دکان کے ملازم کے نام پر 1 لاکھ 99 ہزار ڈالر، موبائل شاپ کے ملازم خیال نواز کے نام پر 53 ہزار ڈالرز، دبئی کے ورکر نعمان کے نام پر 48 ہزار اور امت گل کے نام پر 59 ہزار ڈالرز کی وصولیوں کا انکشاف ہوا ہے۔