آرٹس کونسل کے انتخاب میں احمد شاہاعجازفاروقی پینل کامیاب

آرٹس کونسل کے انتخاب میںکامیاب اعجاز فاروقی، احمد شاہ پینل کے نومنتخب عہدیداران کا گروپ فوٹو ۔ ایکسپریس

---

آرٹس کونسل کے سالانہ انتخاب میں اعجاز فاروقی اور احمد شاہ پینل بھاری اکثریت سے کامیاب ہوگیا، پینل نے کلین سوئپ کرتے ہوئے تمام نشستوں پر کامیابی حاصل کرکے روایت برقرا رکھی،شہر قائد پینل کا ایک امیدوار بھی کامیاب نہ ہوسکا۔

الیکشن کے حتمی نتائج کا اعلان آرٹس کونسل کے چیئرمین اور کمشنر کراچی شعیب احمد صدیقی نے کیا، گزشتہ سال کے مقابلے میں امسال ووٹنگ کا تناسب کم رہا، 2450 ممبران نے انتخاب میں اپنے ووٹ کا حق استعمال کیا، اعجاز فاروقی ،احمد شاہ پینل کے کامیاب ہونے والے امیدواروں میں اعجاز فاروقی صدر1447، احمد شاہ اعزازی سیکریٹری،1326محمود احمد خان نائب صدر 1585،شہناز صدیقی جوائنٹ سیکریٹری1524اور ہما میر(خازن نے 1519ووٹ حاصل کیے، شہر قائد پینل جس نے کوئی بھی نشت حاصل نہیں کی اس پینل کے لیے خلیل احمد نینی تال والا صدرکے لیے919، نجم الدین شیخ اعزازی سیکریٹری105 7،خالد چائولہ نائب صدر733 ،بلند اقبال جوائنٹ سیکریٹری832اور ایس ایم شجاع خازن 730ووٹ حاصل کرسکے۔



اعجاز فاروقی،احمد شاہ پینل سے گورننگ باڈی کے منتخب ہونیوالے امیدواروں میں پروفیسر سحر انصاری1600، اطہر وقار عظیم 1531، حسینہ معین 1528، ڈاکٹر قیصر سجاد ،526، قدسیہ اکبر، 1512، فاطمہ ثریا بجیا 1484،کاشف گرامی1419، منور سعید 1405،اقبال لطیف 1402،فرہاد زیدی، 1396، سہیل احمد 1279 اور نازش بروہی1240ووٹ لیکر کامیاب قرار پائیں، شہر قائد پینل کے گورننگ باڈی کے امیدوار تاجدار عادل 1060، محمد ایوب 1004،جاوید صبا900، فرح ندیم844، سہیل عابدی701، جاوید منظر789،ندیم شیخ700، مشتاق بھٹی699، محمد اسلم شیخ690 اور حمید بھٹو689ووٹ حاصل کرکے ناکام رہے،الیکشن کے انعقاد کے بعد آرٹس کونسل کے چئیرمین کمشنر کراچی نے نومنتخب عہدیداروں کو کامیابی پرمبارکباد دی،کامیاب اعجاز فاروقی اور احمد شاہ پینل کے عہدیداروں نے رائے دہندگان کا شکریہ ادا کیا ہے۔