جسٹس فائز کی اہلیہ سرینا عیسی کی فواد چوہدری کیخلاف توہین عدالت کی درخواست

فواد چوہدری نے دو روز قبل جسٹس قاضی فائز عیسی کے حوالےسے ٹوئٹ کیا تھا

---

سپریم کورٹ کے جج جسٹس قاضی فائز عیسی کی اہلیہ سرینا عیسی نے وفاقی وزیر فواد چوہدری کیخلاف توہین عدالت کی درخواست دائر کردی۔

فواد چوہدری نے دو روز قبل جسٹس قاضی فائز عیسی کے حوالےسے ٹوئٹ کیا تھا جس پر ان کیخلاف توہین عدالت کی درخواست جسٹس قاضی فائز کی اہلیہ نے دائر کی۔

گزشتہ دنوں وفاقی وزیر سائنس اینڈ ٹیکنالوجی فواد چوہدری نے سپریم کورٹ کے جج جسٹس قاضی فائز عیسیٰ کو تنقید کا نشانہ بنایا تھا۔ انہوں نے ٹویٹ کرتے ہوئے کہا تھا کہ ‏ایک ہفتے سے سپریم کورٹ کے ایک انڈر ٹرائل جج کی تقریریں سن رہے ہیں، اگر جواب دیا تو 'دکھ ہوا سے توہین ہوگئی' کے بھاشن آجائیں گے۔