پاکستان کو ریڈ لسٹ میں ڈالنے پر برطانوی رکن پارلیمنٹ ناز شاہ اپنی ہی حکومت پر پھٹ پڑیں

برطانوی حکومت خود اپنے لوگوں کے تحفظ میں سنجیدہ نہیں، برطانوی رکن پارلیمنٹ۔ فوٹو : فائل

---

HYDERABAD: پاکستان نژاد برطانوی رکن پارلیمنٹ ناز شاہ پاکستان کو ریڈ لسٹ میں ڈالنے پر اپنی ہی حکومت پر پھٹ پڑیں۔

پاکستانی نژاد برطانوی رکن پارلیمنٹ ناز شاہ نے کورونا وائرس کے باعث پاکستان کو ریڈ لسٹ میں شامل کیے جانے پر برطانوی حکومت کو آڑے ہاتھوں لیتے ہوئے کہا کہ پاکستان پر پابندی لگانا سمجھ سے بالاتر ہے، میرے حلقے میں زیادہ تعداد پاکستانیوں کی ہے اور اسی وجہ سے اس معاملے کو اٹھارہی ہوں۔

Why aren’t countries which have significant more cases, including the South African variant, not on the red list too? Why #Pakistan and not France which has 10 times more cases. I’ve been raising this for weeks and still no answers from @MattHancock or @DominicRaab ? https://t.co/jsq8VsBfU1 pic.twitter.com/fn39l3V6Z1

— Naz Shah MP (@NazShahBfd) April 2, 2021

برطانوی رکن پارلیمنٹ نے وزیر خارجہ ڈومینک راب کو خط لکھا جس میں کہا گیا ہے کہ پاکستان پر پابندی لگاتے ہوئے کس سائنٹیفک ڈیٹا کو مد نظر رکھا گیا، حالیہ اعدادو شمار کے مطابق پاکستان میں سب سے کم کورونا کیسز رپورٹ ہوئے جب کہ بھارت، فرانس اور جرمنی میں سب سے زیادہ افراد متاثر ہوئے لیکن ان ممالک پر پابندی نہیں۔

ناز شاہ نے کہا کہ وائرس کی جنوبی افریقی قسم کا پاکستان سے کوئی تعلق نہیں اور نہ اس کا کوئی کیس سامنے آیا جیسا کے فرانس میں ہوا تاہم حکومت نے بھارت، فرانس اور جرمنی پر پابندی نہیں لگائی۔ ان کا کہنا تھا کہ حکومت کے پاس ریڈلسٹ میں ممالک کو ڈالنے کے لیے کوئی حکمت عملی نہیں جب کہ برطانوی حکومت خود اپنے لوگوں کے تحفظ میں سنجیدہ نہیں اور فیصلے صرف سیاسی بنیادوں پر لیے جارہے ہیں۔