فرانسیسی صدر کے اسکینڈل کی خبر سن کر فرسٹ گرل فرینڈو لیری ٹرائرویلر اسپتال میں داخل

کلوزرمیگزین نے جمعے کے روزرپورٹ شائع کی تھی کہ اولاندکے اداکارہ جولی گائیٹ کے ساتھ ناجائز تعلقات ہیں۔ فوٹو : فائل

---

KARACHI: فرانسیسی صدرفرانسوا اولاندکی گرل فرینڈوٹرائرویلر کواسپتال میں داخل کرادیا گیاہے۔

فرسٹ گرل فرینڈ کے معاونین نے کہاکہ اسے آرام اورکچھ ٹیسٹوں کے لیے اسپتال داخل کرایاگیا ہے اورتوقع ہے کہ پیرکو اسپتال سے فارغ ہوجائیں گی۔ واضح رہے کہ کلوزرمیگزین نے جمعے کے روزرپورٹ شائع کی تھی کہ اولاندکے اداکارہ جولی گائیٹ کے ساتھ ناجائز تعلقات ہیں۔

ہفتہ وار میگزین نے تصاویرشائع کی تھیں جن میں گائیٹ اوراولاند کوخفیہ ملاقات کے لیے صدارتی محل کے نزدیک ایک فلیٹ میں علیحدہ پہنچتے ہوئے دکھایا گیاتھا۔ اولاند شافیوراسکوٹرکے ذریعے فلیٹ پہنچے تھے۔ انھوں نے رپورٹ کواپنی نجی زندگی پر حملے کے مترادف قراردے کر اس کی مذمت کی ہے تاہم کلوزرکے دعوے کی تردیدنہیں کی۔