اداکارہ نمی کی 13 ویں برسی آج منائی جا رہی ہے

معروف اداکارہ نے 55 سے زائد فلموں میں کام کیا

---

اداکارہ نمی کی 13 ویں برسی آج منائی جا رہی ہے۔

نمی نے کیریئرکا آغاز تھیٹر سے کیا، متعدد ڈراموں میں جلوہ گرہونے کے بعد 1974میں انہیں پہلی بارہدایتکار اقبال اخترنے فلم ''انہونی ''میں ثانوی کردار میں کاسٹ کیا۔ان کی بطور ہیروئین پہلی فلم ''آشا کے دیپ تھی تاہم ان کی پہچان ہدایتکارممتاز علی خان کی فلم ''دلہن ایک رات کی ''سے بنی۔

1979 میں نمی نے کتا ب ''موت کامنظر'' پڑھی توان کاذہن تبدیل ہوگیااورانہوں نے اداکاری ترک کردی تاہم ڈیڑھ برس بعدوہ دوبارہ فلم انڈسٹری میں آگئیں ،ان کی آخری فلم ''ملتان خان ''تھی جس کے بعد انہوں نے ملتان اور کراچی میں سٹیج ڈراموں میں کام بھی کیا۔نمی نے 55فلموں میں اداکاری کے جوہر دکھائے ،زندگی کے آخری ایام میں وہ جگرکے کینسر میں مبتلا ہوگئیں اور 3جو ن 2008کو انتقال کرگئیں ۔