روحانی دوست

علم الاعداد کی روشنی میں آپ کا یہ ہفتہ

---

KARACHI: صائم المصطفے صائم
واٹس اپ (0333-8818706)
فیس بک (Saim Almustafa Saim)

علمِ الاعداد سے نمبر معلوم کرنے کا طریقہ
دو طریقے ہیں اور دونوں طریقوں کے نمبر اہم ہیں
اول تاریخ پیدائش دوم نام سے!

اول طریقہ تاریخ پیدائش
مثلاً احسن کی تاریخ پیدائش 12۔7۔1990 ہے ، ان تمام اعداد کو مفرد کیجیے
1+2+7+1+9+9=29=2+9=11=1+1=2
گویا تاریخ پیدائش سے احمد کا نمبر 2 نکلا۔

اور طریقہ دوم میں:
سائل، سائل کی والدہ، اور سائل کے والد انکے ناموں کے اعداد کو مفرد کیجیے
مثلاً نام ''احسن '' والدہ کا نام '' شمسہ'' والد کا نام '' راشد۔''

حروفِ ابجد کے نمبرز کی ترتیب یوں ہے:
1 کے حروف (ا،ی،ق،غ) 2 کے حروف (ب،ک،ر) 3 کے حروف (ج،ل،ش)
4 کے حروف (د،م،ت) 5 کے حروف (ہ،ن،ث) 6 کے حروف (و،س،خ)
7 کے حروف (ز،ع،ذ) 8 کے حروف (ح،ف،ض) 9 کے حروف (ط،ص، ظ)
احسن کے نمبر (1،8،6،5) تمام نمبرز کو مفرد کردیں:
(1+8+6+5=20=2+0= 2 گویا احسن کا نمبر2 ہے۔
ایسے ہی احسن کی والدہ ''شمسہ ''کا نمبر9 اور والد راشد کا نمبر1 بنتا ہے۔
اب ان تینوں نمبروں کا مفرد کرنے پر ہمیں احسن کا ایکٹیو یا لائف پاتھ نمبر مل جائے گا۔ (2+9+1=12=1+2=3) گویا علم جفر کے حساب سے احسن کے نام کا نمبر 3 نکلا!

علم الاعداد کی روشنی میں آپ کا یہ ہفتہ
سوموار14 جون 2021
آج کا حاکم نمبر 9 ہے ،جذبات کے بہاؤ سے جنم لینے والا جنون اور جوش جو آپ کو پھر کچھ کر گزرنے کی ہمت دے سکتا ہے۔1،2,3,5,6اور7 کے لیے بہتر ہوسکتا ہے
4,8اور9 نمبر والوں کے لیے اہم اور کچھ مشکل بھی ہوسکتا ہے۔
صدقہ: 20 یا 200 روپے، سفید رنگ کی چیزیں، کپڑا، دودھ، دہی، چینی یا سوجی کسی بیوہ یا غریب خاتون کو بطورِصدقہ دینا ایک بہتر عمل ہوگا۔
وظیفۂ خاص ''یارحیم یا رحمن یا اللہ '' 11 بار یا 200 بار اول وآخر 11 بار درود شریف پڑھنا بہتر ہوگا۔

منگل 15 جون 2021
آج کا حاکم نمبر8 ہے۔منگل کے روز 8 بہتر نہیں سمجھا جاتا لیکن 1اور5 بھی ساتھ ہو کچھ لوگوں کے لیے بہترین ہوجاتا ہے۔2,3,4,6 اور8 نمبر والوں کے لیے آج کا دن کافی حد تک بہتری لائے گا۔1، 5 اور9 نمبر والوں کے لیے کچھ مشکل ہوسکتی ہے۔
صدقہ: 90 یا 900 روپے، سرخ رنگ کی چیزیں ٹماٹر،کپڑا، گوشت یا سبزی کسی معذورسیکیوریٹی سے منسلک فرد یا اس کی فیملی کو دینا بہتر عمل ہوگا۔
وظیفۂ خاص''یاغفار، یاستار، استغفراللہ العظیم'' 9 یا 90 بار اول وآخر11 بار درودشریف پڑھنا بہتر ہوگا۔

بدھ 16 جون 2021
آج کا حاکم نمبر5 ہے۔ایک مناسب اور اچھا دن ہوسکتا ہے ، کوئی اچھی خبر آپ کے دروازے پر دستک دے سکتی ہے۔1,2,5,6,7اور9 نمبر والوں کے لیے آج دن کافی بہتر ہوسکتا ہے۔3,4 اور 8 نمبر والوں کو کچھ معاملات میں رکاوٹ اور پریشانی کا اندیشہ ہے۔صدقہ: زرد رنگ کی چیزیں یا 50 یا 500 روپے کسی مستحق طالب علم یا تیسری جنس کو دینا بہتر ہے، تایا، چاچا، پھوپھی کی خدمت بھی صدقہ ہے۔ وظیفۂ خاص'' یاخبیرُیا وکیلُ یااللہ '' 41 بار اول و آخر 11 بار درودشریف پڑھنا مناسب عمل ہوگا۔

جمعرات 17 جون 2021
آج کا حاکم نمبر 4 ہے۔ ترقی کے لیے ہوسکتا ہے کچھ نئے اور اختراعی نوعیت کے فیصلے کرنے پڑجائیں۔1،2,3,6,7,اور8 نمبر والوں کے لیے آج کا دن کافی بہتر رہنے کی امید ہے۔4,5اور9 نمبر والوں کو کچھ مشکل ہوسکتی ہے۔
صدقہ: میٹھی چیز، 30 یا 300 روپے کسی مستحق نیک شخص کو دینا بہتر عمل ہوسکتا ہے۔ مسجد کے پیش امام کی خدمت بھی احسن صدقہ ہے۔
وظیفۂ خاص''سورۂ فاتحہ 7 بار یا یا قدوس یا وھابُ یا اللہ'' 21 بار اول و آخر 11 بار درود شریف پڑھنا بہتر عمل ہوگا۔

جمعہ 18 جون 2021
آج کا حاکم نمبر8 ہے۔مذہب سے منسلک لوگوں کے لیے کچھ پریشانی ہوسکتی ہے۔ اس کے علاوہ سوشل اور چمک دمک سے منسلک لوگوں کے لیے ایک صبرآزما دن ہوسکتا ہے۔2,3,4,6,7اور8 نمبر والوں کے لیے آج کا دن بہتر ہونے کی امید ہے۔
1,5اور9 نمبر والوں کو محتاط رہنے کا مشورہ ہے۔صدقہ: 60 یا 600 روپے یا 600 گرام یا6 کلو چینی۔ سوجی یا کوئی جنس کسی بیوہ کو دینا بہترین عمل ہوسکتا ہے۔
وظیفۂ خاص''سورۂ کہف یا یاودود یا معید یااللہ '' 11 بار ورد کرنا بہتر ہوگا۔

ہفتہ 19 جون 2021
آج کا حاکم نمبر2 ہے۔قدرے بہتر دن ہوسکتا ہے جو اپنے اندر چھوٹی موٹی جذبات تحریکیں لاسکتا ہے۔1،3,4,5,8اور9نمبر والوں کے لیے کسی حد تک بہتری کی امید ہے۔ 2,6 اور7 نمبر والوں کو کچھ امور میں مشکل ہوسکتی ہے۔
صدقہ: 80 یا800 روپے یا کالے رنگ کی چیزیں کالے چنے، کالے رنگ کے کپڑے سرسوں کے تیل کے پراٹھے کسی معذور یا عمررسیدہ مستحق فرد کو دینا بہتر عمل ہوسکتا ہے۔وظیفۂ خاص''یافتاح، یاوھابُ، یارزاق یااللہ '' 80 بار اول و آخر 11 بار درودشریف کا ورد بہتر عمل ہوگا۔

اتوار20 جون 2021
آج کا حاکم نمبر 5 ہے۔سفر اور رابطے شوق سے کیجیے میل ملاقاتوں کے لیے ایک معاون ترین دن ہوسکتا ہے۔ 1,2,5,6,7اور9 نمبر والوں کے لیے ایک بہتر دن کی امید ہے۔3,4اور8 نمبر والوں کو مشکل ہوسکتی ہے۔صدقہ: 13 یا 100 روپے یا سنہری رنگ کی چیزیں گندم، پھل، کپڑے، کتابیں یا کسی باپ کی عمر کے فرد کی خدمت کرنا بہتر ہوگا۔وظیفۂ خاص''یاحی یاقیوم یا اللہ'' 13 یا 100 بار اول و آخر 11 بار درودشریف پڑھنا مناسب عمل ہوگا۔