مہاراجہ رنجیت سنگھ کے مجسمے کی جگہ تبدیل کرنے کا فیصلہ

مجسمے پر حملے کے 3واقعات ہوچکے، سیکیورٹی بڑھانے کا بھی فیصلہ کیاگیا،حکام ۔ فوٹو : فائل

---

SYDNEY: والڈسٹی آف لاہور اتھارٹی نے شاہی قلعہ لاہور میں رکھے گئے مہاراجہ رنجیت سنگھ کے مجسمے کی جگہ تبدیل کرنے اورسکیورٹی بڑھانے کافیصلہ کیاہے۔

والڈسٹی آف لاہوراتھارٹی کے حکام نے بتایا کہ مہاراجہ رنجیت سنگھ کے مجسمے پرحملے کے 3واقعات رونماہوچکے ہیں، مستقبل ایسے کسی ناخوشگوارواقعے کی روک تھام کیلیے مجسمے کی جگہ تبدیل کرنے پرغور کیاجارہا ہے، مجسمے کو سکھ گیلری کے اندر منتقل کیاجاسکتا ہے جبکہ یہاں سیکیورٹی بھی مزید بڑھانے کا فیصلہ کیا گیاہے۔

مہاراجہ رنجیت سنگھ کے گھوڑے پرسوارقدآورمجسمے کو حملہ آوروں سے بچانے کیلئے شیشے کی موٹی دیواربنانے کی تجویزبھی سامنے آئی تھی تاہم ماہرین نے اسے مسترد کردیا ہے،ماہرین کاخیال ہے کہ کوئی بھی شدت پسندحملہ آورشیشے کوتوڑکوسکتاہے، تاہم لوہے کابڑاجنگلہ نصب کرنے کی تجویزبھی سامنے آئی ہے۔