کورونا بھارت میں پھنسے 190 پاکستانی ہندوؤں کی ڈیڑھ سال بعد وطن واپسی

پاکستانی ہندو خاندانوں کے 190 افراد مذہبی رسومات کیلیے گزشتہ برس بھارت گئے تھے ۔ فوٹو : فائل

---

کوروناوائرس کی وجہ سے بھارت میں پھنسے ہوئے پاکستانی ہندوؤں کا وفد گزشتہ روزواپس پاکستان پہنچ گیا۔

پاکستانی ہندو خاندانوں کے 190 افراد مذہبی رسومات کیلیے گزشتہ برس بھارت گئے تھے۔ پاکستانی ہندوؤں کا تعلق اندرون سندھ سے ہے۔ کورونا وباکی وجہ سے پاکستان اوربھارت نے مارچ 2020 میں واہگہ سرحد بندکردی تھی جس کی وجہ سے پاکستانی ہندو واپس نہیں آسکے تھے تاہم اب پاکستانی ہائی کمیشن کی معاونت سے پاکستانی ہندوخاندان واپس وطن پہنچ گئے ہیں۔