میٹرو بس توسیعی منصوبے سے کاروبار تباہ ہورہا ہے آٹو ڈیلرز

ترقیاتی منصوبوں کی آڑ میں تاریخی عمارتوں کو مسمار نہ کیا جائے،چیئرمین اینٹی اسمگلنگ کمیٹی لاہور چیمبر۔ فوٹو آن لائن/فائل

---

پاکستان آٹو موبائل سپیئرپارٹس امپورٹرز اینڈ ڈیلرز ایسوسی ایشن(پاسپیڈا) کی سینٹر ل ایگزیکٹو کمیٹی کے ممبرو چیئرمین اینٹی اسمگلنگ کمیٹی لاہور چیمبر ناصر حمیدخاں نے کہا ہے کہ حکومتیں تاریخی عمارتیں محفوظ رکھنے کے اقدامات کرتی ہیں اس لیے ترقیاتی منصوبوں کی آڑ میں تاریخی عمارتوں کو مسمار نہ کیا جائے۔

لیڈی ولینگٹن ہسپتال تاریخی عمارت کے ساتھ ساتھ ایک اسپتال بھی ہے جہاں ارد گرد کے علاقے کی ہزاروں خواتین روزانہ علاج معالجے کے سلسلے میں رجوع کرتی ہیں۔ لیڈی ولینگٹن اسپتال کی مسماری سے علاقے کی خواتین علاج کی سہولتوںسے محروم ہوجائیں گی۔



ناصر حمید نے کہا کہ میٹرو بس توسیع منصوبے سے تاجروں کا روزگار تباہ ہورہا ہے۔ کاروباری جگہ کی مسماری سے ہزاروں ملازمین بے روزگار ہورہے ہیں۔کاروباراور مارکیٹ تباہ ہونے سے تاجر برادری میں زبردست اضطراب اور تشویش پائی جاتی ہے۔ متاثرہ علاقے میں کاروبار تباہ اور دکانداروں کا سامان مٹی بن رہا ہے۔ انہوں نے مطالبہ کیا کہ متاثرہ کاروبار کے لیے متبادل جگہ فراہم کی جائے۔