پاکستان میں ایشیا کپ 2023کا فارمیٹ 50اوورز کا ہوگا رمیز راجہ

گنگولی سے مثبت بات چیت کا آگے چل کر کوئی فائدہ ہوسکتا ہے، چیئرمین بورڈ

Sports Reporter October 19, 2021

گنگولی سے مثبت بات چیت کا آگے چل کر کوئی فائدہ ہوسکتا ہے، چیئرمین بورڈ۔ فوٹو: فائل

MADRID: پاکستان کی میزبانی میں ہونے والا ایشیا کپ 2023کا فارمیٹ 50اوورز کا ہوگا۔

اپنے ویڈیو پیغام میں ایشین کرکٹ کونسل کے اجلاس کی تفصیلات بیان کرتے ہوئے چیئرمین پی سی بی رمیز راجہ نے کہاکہ بی سی سی آئی کے صدر ساروگنگولی سے غیررسمی ملاقات ہوئی،میں ان کے ساتھ کرکٹ کھیل چکا اور زیادہ آسانی سے بات کرسکتا ہوں،ہمارا ہمیشہ سے یہی موقف رہا ہے کہ کرکٹ کو سیاست سے الگ رکھنا چاہیے،کرکٹ تعلقات کو بحال تو کرنا ہے،اس کیلیے بہت سے مراحل طے کرنا ہوں گے،ابھی ہونے والی مثبت بات چیت کا آگے چل کر کوئی فائدہ ہوسکتا ہے۔

انھوں نے کہا کہ ایشیائی ملکوں کا متحدہ فرنٹ ہونا چاہیے،ہمیں یہ مقصد نہیں بھولنا چاہیے کہ ایشین باڈی اس لیے بنائی گئی تھی کہ ہماری کوئی آواز ہو،اس بلاک کی اہمیت مانی جائے،اجلاس کے دوران کوشش کی کہ پاکستان کے دیگر ممبرز سے تعلقات مضبوط ہوں،اس کے آئندہ نتائج بھی سامنے آئیں گے۔