جاوید شیخ نے اپنی نئی فلم کی منصوبہ بندی شروع کر دی

فلم میں نئے اداکاروں کو متعارف کرانا چاہتا ہوں جب کہ ہمایوں سعید فلم میں مرکزی کردار ادا کریں گے۔ فوٹو: فائل

---

فلمساز ،ہدایتکار واداکار جاوید شیخ نے طویل عرصہ کے بعد اب باقاعدگی سے اپنی نئی فلم کی منصوبہ بندی شروع کردی ہے۔

وہ ان دنوں فلم کی موسیقی اور گیتوں کو ریکارڈ کرانے کی تیاریاں کررہے ہیں جاوید شیخ نے ایک انٹرویو کے دوران کہا کہ میری ہمیشہ سے یہ کوشش رہی ہے کہ فلم کا میوزک عمدہ ہو اور گانے سنے والوں میں مقبولیت حاصل کریں، اس کے لیے محنت کررہا ہوں۔ فلم میں نئے اداکاروں کو متعارف کرانا چاہتا ہوں جب کہ ہمایوں سعید فلم میں مرکزی کردار ادا کرینگے ،جاوید شیخ کا کہنا تھا کہ فلم کی شوٹنگ پاکستان کے علاوہ دیگر ممالک میں کی جائے گی،انھوں نے مزید کہا کہ اب جب کہ پاکستان میں اچھی اور معیاری فلمیں بن رہی ہیں ان کی کوشش ہوگی کہ ان کی فلم اسی معیار کے مطابق ہو جو پاکستانی فلم بین چاہتے ہیں۔