عائشہ عمر کا بھارتی گانے ’’منی بدنام ہوئی‘‘ پر ڈانس سوشل میڈیا پر وائرل

عائشہ عمر پر بھارتی گانے ’’منی بدنام ہوئی‘‘پر ڈانس کرنے پر سوشل میڈیا صارفین کی جانب سے تنقید کی جارہی ہے فوٹوفائل

---

لاہور: اداکارہ عائشہ عمر کا بھارتی گانے ''منی بدنام ہوئی'' پر ڈانس سوشل میڈیا پر وائرل ہورہا ہے۔

عائشہ عمر کی ایک ویڈیو سوشل میڈیا پر وائرل ہورہی ہے جس میں وہ اپنے دوست کی شادی میں بھارت کے مقبول گانے ''منی بدنام ہوئی ڈارلنگ تیرے لیے'' پر ڈانس کرتی ہوئی نظر آرہی ہیں۔

ایک سوشل میڈیا پیج پر جہاں عائشہ عمر کے ڈانس کی ویڈیو شیئر کی گئی ہے۔ اس ویڈیو پر عائشہ عمر نے تبصرہ کرتے ہوئے لکھا کہ انہیں یہ ڈانس کرتے ہوئے بہت مزہ آیا حالانکہ وہ مصروفیت کی وجہ سے ڈانس کی زیادہ پریکٹس نہیں کرسکی تھیں۔

View this post on Instagram

A post shared by Galaxy Lollywood (@galaxylollywood)

عائشہ عمر نے یہ بھی بتایا کہ ڈانس کے دوران ایک کانچ کی چوڑی ٹوٹ کر ان کے پیر میں چبھ گئی تھی لیکن اس کے باوجود انہوں نے ڈانس مکمل کیا۔



تاہم جہاں عائشہ عمر کے ڈانس کو پسند کیا جارہا ہے وہیں بہت سارے لوگ سوشل میڈیا پر ان کے لباس کی وجہ سے انہیں شرم کا احساس دلاتے ہوئے ان پر تنقید بھی کررہے ہیں۔



کیانی قمر نامی صارف نے لکھا ان جیسی جب رمضان میں کسی شو میں آتی ہیں تو لگتا ہے ان سے بڑا نیک کوئی نہیں ہے اس دنیا میں۔ رمضان کے بعد اپنی اصلیت ظاہر کرتی ہیں۔

بہت سارے لوگوں نے عائشہ عمر کو بے شرم کہتے ہوئے کہا کہ عائشہ بہت بری لگ رہی ہیں۔