تنزانیہ میں سرکاری دورے کی کوریج کے دوران صحافیوں کی وین کو حادثہ 14 ہلاکتیں

روڈ حادثے میں 5 افراد زخمی بھی ہوئے جن میں سے ایک کی حالت نازک ہے، فوٹو: فائل

---

تنزانیہ میں ایک سرکاری دورے پر حکام کے ساتھ جانے والے صحافیوں اور پروٹوکول کی گاڑیوں سے ایک مسافر بس ٹکرا گئی جس کے نتیجے میں 14 افراد ہلاک جب کہ 5 زخمی ہوگئے۔

عالمی خبر رساں ادارے کے مطابق تنزانیہ میں وکٹوریہ جھیل کے نزدیک ڈپٹی کمشنر ترقیاتی کاموں کے معائنے کے لیے صحافیوں سمیت پہنچے تھے۔ اس دوران ایک مسافر بس اوور ٹک کرتے ہوئے سرکاری گاڑیوں سے ٹکرا گئی۔

حادثے میں 14 افراد ہلاک ہوگئے جن میں 6 صحافی بھی شامل ہیں۔ حادثے میں ڈپٹی کمشنر محفوظ رہے جب کہ دیگر ہلاک ہونے والوں میں مسافر بس میں موجود شہری شامل ہیں۔

ہلاک اور زخمی ہونے والوں کو قریبی اسپتال منتقل کردیا گیا ہے جہاں 5 زخمیوں میں سے ایک کی حالت نازک بتائی جا رہی ہے۔